Монгол Улсын Ерөнхийлөгч Х.Баттулга “Хараат бус сэтгүүл зүй” үндэсний форумд оролцогчдод илгээлт хүргүүлэв

Нийтэлсэн: Админ 2019-05-03 12:17:34

Дэлхийн хэвлэлийн эрх чөлөөний өдөр, Үндэсний сэтгүүл зүйн 106 жилийн ойн өдрийг тохиолдуулан өнөөдөр Соёлын төв өргөөнд “Хараат бус сэтгүүл зүй-2019” үндэсний форум боллоо.

Форумд оролцогчдод Монгол Улсын Ерөнхийлөгч Х.Баттулга илгээлт хүргүүлснийг Монгол Улсын Ерөнхийлөгчийн Иргэний нийгэм, хүний эрхийн бодлогын зөвлөх Г.Уянга уншиж сонордууллаа.

МОНГОЛ УЛСЫН ЕРӨНХИЙЛӨГЧИЙН ИЛГЭЭЛТЭД:

 

“Хараат бус сэтгүүл зүй-2019” үндэсний форумд оролцогчдод

Эрхэм сэтгүүлчид, хэвлэл мэдээллийн байгууллагын ажилтнууд аа,

Хүндэт зочид төлөөлөгчид өө,

Та бүхэнд Дэлхийн хэвлэлийн эрх чөлөөний өдрийн мэндийг хүргэе.

Нэгдсэн Үндэстний Байгууллагын Ерөнхий Ассамблейн шийдвэрээр 1993 оноос эхлэн жил бүрийн 5 дугаар сарын 03-ны өдрийг Дэлхийн хэвлэлийн эрх чөлөөний өдөр болгон тэмдэглэдэг болсон билээ.

Энэ өдөр дэлхий даяарх хэвлэл, мэдээллийн байгууллагууд нийтлэг тулгарч буй асуудлаа томьёолж хэлэлцдэг. Өнөө жил Дэлхийн хэвлэлийн эрх чөлөөний өдрийг “Ардчиллын төлөө хэвлэл мэдээлэл: Хуурамч мэдээллийн эрин үе дэх сонгууль ба сэтгүүл зүй” уриан дор таван тивийн 100 гаруй оронд тэмдэглэж, ёс зүйтэй, хариуцлагатай мэргэжлийн сэтгүүл зүйг төлөвшүүлж байж, нийгэмд шударга ёс тогтоно гэдгийг дэлхий нийтээрээ энэ өдөр хүлээн зөвшөөрч байна. Өнөөдрийн энэ форум болон бусад хэлбэрээр дамжуулан Монголын сэтгүүл зүйн салбарын хөгжилд ч өнөө жилийн сэдэв бодит тусгалаа олно гэдэгт итгэлтэй байна.

Хүний эрхийн түгээмэл тунхаглал, Иргэний болон улс төрийн эрхийн тухай олон улсын гэрээ конвенц, Монгол Улсын Үндсэн хуулиар баталгаажсан үзэл бодлоо илэрхийлэх эрх чөлөөг хамгаалахын төлөө бид нэгдэн нягтрах ёстой. Нөгөө талаар хэвлэлийн эрх чөлөөг илүү бэхжүүлж хамгаалахын тулд хариуцлагатай сэтгүүл зүйг төлөвшүүлэх учиртай юм.

Монголын сэтгүүл зүйн салбараар овоглогдож буй хүн бүр сэтгүүлчийн нийгмийн хариуцлагаа ухамсарлаж, мэргэжлийн үүргээ гүйцэтгэн олон нийтийн сүлжээн дэх мэдээ, мэдээлэл, тэр дундаа хуурамч мэдээллийн урсгалд анхаарлаа хандуулж, мэргэжлийн сэтгүүл зүй, нийгмийн сүлжээний зааг ялгааг гаргаж, олон түмнийг соён гэгээрүүлэх үйлсэд хувь нэмрээ оруулахыг Та бүхнээс хүсье.

Энэ үйлсэд Монголын сэтгүүлчдийн нэгдсэн эвлэл тууштай анхаарал хандуулж, нөгөө талдаа хэвлэл мэдээллийн салбарт гарч буй алдаа дутагдалд хэвлэл, мэдээллийн салбарын өөрийн зохицуулалтын байгууллага болох Хэвлэл, мэдээллийн зөвлөлийн оролцоог нэмэгдүүлэх хэрэгтэй хэмээн үзэж байна.

“Хараат бус сэтгүүл зүй” үндэсний форумын үйл ажиллагаанд амжилт хүсье.

Монголын сэтгүүл зүйн салбарынхны дуу хоолой ямагт хараат бус байх болтугай” гэжээ.

Монгол Улсын Ерөнхийлөгчийн илгээлтийг Монголын сэтгүүлчдийн нэгдсэн эвлэлийн ерөнхийлөгч Х.Мандахбаярт гардууллаа.

1 сэтгэгдэл

  • Mal

    2019-05-22 | 17:02:53 Хариулах

    Do you desire my hair down or up? See my Private Photos...

    • Piterfique

      2019-05-24 | 23:26:03

      Use electrical appliances as before AND PAY IN 2 TIMES LESS! http://bit.ly/2EbTVvc «Electricity saving box» — substantial savings! Reduces the current consumption of electrical appliances, due to this, the meter is “spinning” less and, as a result, monthly electricity bills are reduced! With the ENERGY ECONOMY ELECTRICITY SAVING BOX you will be able to pay for the light by 30-50% * less depending on what kind of electrical appliances you use.

    • Aborahswomb

      2019-05-24 | 22:35:05

      Здраствуйте, если вы играете на ставках, прогноз лига футбола предлогаю вам контакты надежных аналитиков они всегда выносят букмекеров, и помогут только тебе заработать на ставках реальные финансы прогнозы составляют каждый день! контакты этой сообщества дальше по ссылке: https://vk.com/capper24pro2015 и если скажите что вы от Бати то получите хорошие бонусы!

    • TimothySmida

      2019-05-24 | 12:23:56

      Скоро выпуск новых продуктов Celluvation: http://1541.ru/cms/celluvation.php Крем для лица -усиленный вариант порошка Youth, Активатор столовых клеток, Гель от боли с CBD ( с каннабидиолом - каннабис)

    • Aborahswomb

      2019-05-23 | 22:40:37

      Привет, если вы играете на ставках, чемпионат прогнозов футбол даю вам контакты надежных аналитиков они всегда грабят букмекеров, и помогут именно тебе заработать на ставках реальные деньги прогнозы составляют каждый день! контакты этой бригады дальше по ссылке: https://vk.com/prognozy_na_futbolsegodnja и если скажите что вы от Вовки то получите хорошие бонусы!

    • SlavaWem

      2019-05-23 | 9:42:00

      Продам газиву 3уп по 23т, куросурф 4уп по 9т,мабтера 1400мг 2уп по 21т. В Москве. Whatsapp 8(916)790-41-31 E-mail:slaer77@bk.ru Слава

Сэтгэгдэл үлдээх