Москва хот бизнес эрхлэгчдэд хөнгөлөлт үзүүлнэ

Нийтэлсэн: Админ 2020-03-26 15:52:19

Шинэ коронавирусийн халдвараас сэргийлсэн хөдөлгөөний хязгаарлалтаас үүдэн олон компани хэвийн үйл ажиллагаа явуулах боломжгүй байгаагийн нэг нь зочид буудлууд юм. Оросын Аялал жуулчлалын холбооны нарийн бичгийн дарга Ирина Тюринагийн хэлснээр зочид буудлууд хаагдаагүй, хэвийн байдлаар ажиллаж байгаа ч ихэнх нь үйлчлүүлэгчгүй болжээ.

Москва хотод шинэ коронавирусийн тархалт нэмэгдэж болзошгүйг харгалзан хотын захирагч Сергей Собянин Лхагва гаригт /2020.03.25/ бизнес эрхлэгчдийг дэмжих шийдвэр гаргасан байна. Уг шийдвэрээр эхний ээлжинд 2020 оны эхний улирлын түрээс болон татвар төлөлтийн хугацааг 2020 оны арванхоёрдугаар сарын 31 хүртэл сунгасан байна. Энэ шийдвэр нь нийтийн хоол, аялал жуулчлал, урлаг, спорт, чөлөөт цагийн үйлчилгээ, зочид буудлын үйлчилгээ эрхэлдэг компаниудад хамаарах юм.

Эх сурвалж: РИА НОВОСТИ