Ч.Хөхчирэнгэр начин түрүүлэв

Нийтэлсэн: Админ 2019-10-29 20:35:50

Нийслэл хотын түүхт 380 жилийн ойд зориулсан улс, аймгийн цолтой 256 бөхийн барилдаан болж, улсын өсөх идэр начин Ч.Хөхчирэнгэр түрүүлж, харцага О.Хангай үзүүрлэв. Их шөвөгт аварга Н.Батсуурь, харцага Б.Бат-Өлзий шалгарлаа. Энэ барилдаанд улсын аварга Н.Батсуурь, арслан П.Бүрэнтөгс, заан Б.Соронзонболд, харцага Б.Бат-Өлзий тэргүүтэй бөхчүүд зодоглосон юм. Түрүү бөхийг зургаа, үзүүрт дөрөв, их шөвөгт үлдсэн бөхийн 2.2 сая төгрөгөөр шагнаж урамшуулжээ.