UFC: ЖОН ЖОНС- ЭНТОНИ СМИТТЭЙ ТУЛАЛДАХААР БОЛЛОО

Өнгөрсөн 2018 оны төгсгөлөөр Александер Густафссоныг хагас хүнд жингийн дэлхийн аварга цолоо буцааж авсан Жон Жонс дараагийн өрсөлдөгчөө зарлалаа. “TMZ Sports” цахим сайтын мэдээлснээр түүний дараагийн өрсөлдөгч нь Энтони Смит бөгөөд тэд ирэх гуравдугаар сард болох “UFC-235”-д тулалдахаар тохиролцжээ. Энэ талаар “UFC” холбооны тэргүүн Дана Уайт тулааныг Лас Вегас хотод хийхээр төлөвлөснөө гээд “Энэ сарын сүүлчээр гэхэд Жон Жонс Лас Вегаст болох тулаанд оролцох эрхээ сэргээх хүсэлтээ өгнө. Эрхээ авчихвал Ж.Жонс аваргын бүсээ хамгаалах тулааныг тус хотын “Т-Мобил” ордонд хийхээр төлөвлөж байгаа” гэжээ.

Жон Жонс допингийн улмаас гурав дахиа шийтгүүлж, 15 сар тулалдах эрхээ хасуулах үед ирээдүйн амжилтад нь сөргөөр нөлөөлнө гэж мэргэжилтнүүд дүгнэж байсан юм. Гэвч допинг хэрэглэсний дараахан Лас Вегаст тулалдахыг хориглосон тул А.Густаффсонтой Лос Анжелест тулалдаж, багагүй амжилт үзүүлсэн юм. Тэрбээр энэ тулаанд ялалт байгуулснаар холимог тулааны ертөнцөд 23 ялж, нэг хожигдсон үзүүлэлттэй болсон.

Хагас хүнд жингийн аваргын бүсийн төлөө тулалдах Энтони Смитийн хувьд өдгөө 30 настай. Холимог тулааны ертөнцөд 31 ялж, 13 ялагдсан үзүүлэлттэй. Одоогоор жиндээ III бичигдэж байгаа юм.