Японы “ЖАЙКА” ОУБ-аас “Сендайн хүрээ баримт бичгийн хэрэгжилтийг хангах гамшгийн эрсдэлийг бууруулах манлайлагчдын чадавхыг бэхжүүлэх” сэдэвт тэтгэлэгт хөтөлбөрийг зарлалаа.

Хөтөлбөрийн зорилго: Хөтөлбөрт хамрагдагсад өөрсдийн орондоо гамшгийн эрсдэлийг бууруулах салбарт манлайллыг үзүүлэх ба “Сендайн хүрээ баримт бичиг”-ийн хэрэгжилтийг хангах олон улсын түвшинд явагдах яриа хэлэлцээрт чухал үүрэг гүйцэтгэн оролцох юм.

Иймд доорх шаардлагыг хангасан алба хаагчид ОБЕГ-ын ЗУГ-ын Сургалтын хэлтсийн мэргэжилтэн, дэслэгч Э.Гантулга /утасны дугаар: 262510, 92010440/-тай холбогдон дэлгэрэнгүй мэдээллийг авна уу.

1. Тэтгэлэгт хөтөлбөрийн нэр:

“Сендайн хүрээ баримт бичгийн хэрэгжилтийг хангах гамшгийн эрсдэлийг бууруулах манлайлагчдын чадавхыг бэхжүүлэх нь”

Сургалтын хугацаа:
Магистрын хөтөлбөр:        2 жил (2020 оны 10 сар – 2022 оны 9 сар)
Докторын хөтөлбөр:           3 жил  (2020 оны 10 сар – 2023 оны 9 сар)

Хамрагдах салбар: Үндэсний Гамшгийн эрсдэлийг бууруулах агентлаг

Тавигдах шаардлага:
– Бакалаврын зэрэгтэй байх,
– Англи хэлний мэдлэгтэй байх, /Тухайн сургуулиас тавигдах хэлний шаардлага/
– Биеийн болон сэтгэцийн хувьд эрүүл байх,
– Магистрын хөтөлбөрт хамрагдагсад 35 наснаас доош байх,
– Докторын хөтөлбөрт хамрагдагсад 40 наснаас доош байх,

Квотын хэмжээ:
5 хүн

Шаардагдах хэл:
Англи хэл

Эх сурвалж: ОНЦГОЙ БАЙДЛЫН ЕРӨНХИЙ ГАЗАР