Монгол Улсын өнцөгт булан бүрт байрлах 500 гаруй салбар нэгж, 290 АТМ, 3000 гаруй картаар үйлчлэгч байгууллага болон онлайн салбараараа дамжуулан 3.1 сая харилцагчиддаа санхүүгийн бүх төрлийн үйлчилгээг түргэн шуурхай хүргэн ажилладаг Төрийн банк нь 2009 онд 100% төрийн өмчит банк болон байгуулагдсан билээ.

Төрийн банк 2009 онд 27.4 тэрбум төгрөгийн өөрийн хөрөнгө, 137.9 тэрбум төгрөгийн актив хөрөнгөтэйгөөр ажиллаж байсан бол өдгөө арван жилийнхээ ойн босгон дээр буюу 2019 оны III улирлын санхүүгийн тайлангийн үзүүлэлтээр 221.9 тэрбум төгрөгийн өөрийн хөрөнгө, 2.9 их наяд төгрөгийн актив хөрөнгө, 11.4 тэрбум төгрөгийн цэвэр ашигтайгаар ажиллаж байна.

Мөн Монголбанкнаас нийт харилцагчдын эрх ашгийг хамгаалах зорилгоор арилжааны банкуудад тогтоодог шалгуур үзүүлэлтүүд болох Төлбөр түргэн гүйцэтгэх чадварын үзүүлэлт 25%-с дээш байх ёстойгоос Төрийн банк 39.97%, Өөрийн хөрөнгө болон эрсдэлээр жигнэсэн активын харьцаа 12%-с их байх ёстойгоос 16.02% байгаа нь харилцагчиддаа банкны үйлчилгээг эрсдэлгүй хүргэж байгааг илтгэж байгаа юм.

​