Нэвтрэх Бүртгүүлэх
 
Г.ӨНӨРБАЯР: ЭЦЭГ, ЭХЧҮҮД ХҮҮХДИЙН МӨНГӨ АВДАГ БАЙСАН ДАНСАА ШАЛГААРАЙ
6-17325.jpg
4 сар 5 өдрийн өмнө | Нийтэлсэн: topmedee.mn Админ | Түгээх :
0 Санал өгөх

Г.ӨНӨРБАЯР: ЭЦЭГ, ЭХЧҮҮД ХҮҮХДИЙН МӨНГӨ АВДАГ БАЙСАН ДАНСАА ШАЛГААРАЙ

 



Монгол Улсын Засгийн газрын ээлжит хуралдаанаар “Хүүхдийн мөнгө”-ийг 100 хувь олгох шийдвэрийг энэ сарын 4-ний өдөр гаргасан. Тэгвэл “Хүүхдийн мөнгө”-ийг хэрхэн авах талаар Нийгмийн хамгаалал, хөдөлмөрийн яамны Төрийн нарийн бичгийн дарга Г.Өнөрбаяраас тодруулсан юм. 


Тэрбээр “Өнгөрсөн онд Засгийн газар шинээр бүрдэхэд Монгол Улсын эдийн засаг хүнд, нэгхэн хувьтай байсныг ард иргэд мэдэж байгаа. Энэ эдийн засгийн хүндрэлтэй холбоотойгоор “Хүүхдийн мөнгө”-ийг нийт хүүхдүүдийн 60 хувьд олгож байсан. Тэгвэл Засгийн газрын ээлжит хуралдаанаар 100 хувь олгох шийдвэр гаргасан. Авч чадаагүй үлдсэн 40 хувийн “Хүүхдийн мөнгө”-ийг 2017 оны нэгдүгээр сарын 1-нээс эхлэн тооцож нөхөж олгоно. Эцэг, эхчүүд “Хүүхдийн мөнгө”-ийг ямар дансаар авдаг байсан тэр дансаа шалгах хэрэгтэй. Хуучин дансаар чинь л хүүхдийн мөнгө орно” гэлээ. 

 


Мөн “Хүүхдийн мөнгө”-ний эх үүсвэрийг хаанаас гаргаж байгаа тухай лавлахад Монгол Улсын төсвийн орлого 500 гаруй тэрбум төгрөгөөр давж биелсэн. Энэ орлогын 60 гаруй тэрбумыг ирээдүй хойч үе болсон хүүхдүүддээ зориулж байна гэсэн юм. МАН УИХ-д олонхи болж Засгийн газраа байгуулах үед эдийн засгийн үзүүлэлт дөнгөн данган нэг хувьтай байлаа. Харин өнөөдөр Монгол Улсын эдийн засаг 4-4.5 хувиар өссөн үзүүлэлттэй байна. Анх зорилтот бүлгийн 60 хувьд нь олгоно гэдэг шийдвэр гаргаж байхад АН-ынхан “Бүтнээр нь олгохгүй яасан юм бэ”, “Ардын хүүхдийг алаг үзлээ” хэмээн улс төр хийж байлаа.

 


Тэгвэл өнөөдөр монголын бүх хүүхэд “Хүүхдийн мөнгө” авахаар болчихоод байхад бас л АН-ын дарга С.Эрдэнэд таалагдсангүй. “Өгье” гэхээр зарга хийгээд, эдийн засаг хүнд байна, боломжтой болохороо нөхөөд өгчихнө гэхээр “Та нар өгсөнгүй” гэж буруу ишилсэн сүх шиг ааш гаргадгаа АН-ынхан хэзээ зогсоох вэ? Ямар ч байсан Ж.Эрдэнэбатын Засгийн газар хэлсэн ёсоороо эдийн засаг өндиймөгц “Хүүхдийн мөнгө”-ийг 100 хувь олгох шийдвэр гаргасан нь ард түмний амьдралд наалдсан даацтай шийдвэр болж чадлаа. 



 
Сэтгэгдэлүүд (0)
АНХААРУУЛГА: Та шууд тухайн бичлэгт тохирсон сэтгэгдэл үлдээнэ үү 800 тэмдэгт. Бусдыг бус өөрөө өөрийгөө гутаан доромжилж, элдвээр хэлэхийг зөвшөөрнө.