Нэвтрэх Бүртгүүлэх
 
Барса Баейрн шөвгийн дөрөвт шалгарлаа
4 жил 8 сарын өмнө | Нийтэлсэн: topmedee.mn Админ | Түгээх :
0 Санал өгөх

Өнгөрсөн шөнө аваргуудын лигийн шөвгийн дөрвөн багийн сүүлийн хоёр нь шалгарлаа. Эхний тоглолтод айлын талбайд хоёр бөмбөг оруулсан гэсэн үзүүлэлттэйгээр өөрийн цэнгэлдэхдээ ирсэн Барсачууд дараагийн шатанд шалгарна гэсэн итгэл дүүрэн гарч ирсэн. Гэхдээ зочлон тоглосон Парисын Сент Жермейн багийнхан тийм ч амархан боорцог биш гэдгээ айлын талбайд ч, өөрийн талбайд ч харуулж чадсан юм. Харин нөгөө талд Германы бундеслигт түрүүлэх нь тодорхой болсон Баейрн Мюнхен, Ювентусын талбайд зочлов. Мэргэжилтнүүд Ювентус талбайдаа 2:0-ийн харьцаатай ялалт байгуулна гэж таамаглаж байсан ч энэ жил тун давгүй формтой байгаа Мюнхенийг тийм ч амархан мартаж болохгүй гэдгийг талбайд харуулж чадсан билээ. 

Педро Барсаг аврав


Яг долоо хоногийн өмнө Францын нийслэлд зочлон талбай дээр нь хоёр гоол оруулсан гэсэн эерэг үзүүлэлттэйгээр Барса Камп Ноу цэнгэлдэх хүрээлэндээ ирсэн. Гэхдээ базаахгүй байж болох нэгэн мэдээлэл байсан ч Мессигийн бага зэргийн гэмтэл. Тоглолтын өмнө Барсагийн дасгалжуулалтын багийнхан санаа зовох зүйл биш өнөөдөр талбайд гарна гэж мэдээлж байсан ч үндсэн бүрэлдэхүүнд гарч тоглоогүй билээ. Тоглолт эхэлснээс хойш эзэд давгүй тоглож байсан. Бөмбөг эзэмшилт, гоолын боломж, оновчтой дамжуулалт зэрэг нь зочдоос илүү байсан ч тэр бүр байндаа тусахгүй байсан юм. Эхний хагаст энэ байдлаар хоёр багийн хэн нь ч өрсөлдөгчийнхөө хаалгыг мялааж чадсангүй. Харин тоглолтын сүүлийн хагаст эздийн хүсээгүй тэр л үйл явдал болсон билээ. Сүүлийн хагас эхлээд аравхан минутын дараа Парисын багаас гоол оруулав. Тоглолтын 50 дахь минутад Златан Ибрагимовичийн дамжуулалтаар Хавиер Пасторе гоолдож эздийн зүрхэнд шар ус хуруулах нь тэр. Яг энэ үйл явдлын дараа дэлхийн дөрвөн удаагийн шилдэг хөлбөмбөгчин Мессиг бие халаалтад гаргасан юм. Месси тоглолтын 62 дахь минутад Ческ Фабрегасын оронд талбайд гарч ирсэн билээ.  Лионел Мессиг талбайд гарч ирснээс хойш 9 минутын дараа эзэд гоолдсон юм. Гоолын эзэн нь Педро. Түүнд гоолын дамжуулалтыг Давид Вийя өгсөн юм. Тоглолтын үлдсэн хэдэн минутад аль аль нь гоол оруулаагүй, тэнцээгээр энэ удаагийн тоглолт өндөрлөсөн билээ. Гэхдээ Барселона клуб айлын талбайд хоёр бөмбөг оруулсан гэсэн үзүүлэлтээр аваргуудын лигийн аялалаа цааш үргэлжлүүлэхээр болсон юм. Баян эзний гарт ороод тун удаагүй байгаа Парисын баг тун давгүй тоглолтыг Испанийн гигантын эсрэг үзүүлсэн гэхэд болно. Өөрийн талбай болон айлын талбайд тэнцэж чадна гэдэг бол муугүй үзүүлэлт. Францын лигийг итгэл төгс тэргүүлж байгаа Парисын баг дараа жил аваргуудын лигийн анхаарал хандуулах багийн нэг байх нь гарцаагүй.
 

Баварын төлөөлөл итгэл төгс их шөвөгт шалгарлаа


Баейрн Мюнхен Германы Бундеслигийн шинэ рекордыг тогтоон байж энэ улиралд түрүүлэх нь тодорхой болоод байгаа. Лигийн улирал дуусахаас зургаан тоглолтын өмнө түрүүлэх болзлоо хангасан нь Бундеслигийн түүхэнд байгаагүй үзүүлэлт билээ. Тэдэнд байсан эерэг мэдээллийн нэг нь энэ. Харин дараагий мэдээлэл бол талбайдаа сайн тоглож Италийн аваргуудыг 2:0-ээр хожсон явдал. Эхний тоглолтод тэд талбайн эзэд ямар байдгыг харуулсан гэхэд болно. Харин дараагийн тоглолтод, ялангуяа Ювентусын талбайд тоглох тоглолтод хэр зэрэг тоглох бол гэдэг нь хөгжөөн дэмжигчдийн хувьд томоохон асуултын нэг байсан билээ. Ювентусын талбайг европын хамгийн шилдэг талбайн нэгт тооцдог. Хөгжөөн дэмжигчдийн гаргаж байгаа дуу чимээ, цэнгэлдэхийн уур амьсгал зэрэг нь Баейрнаас илүү гарна уу гэхээс дутах зүйл огт байхгүй. Яг энэ байдлаар тоглолт эхэлсэн. Гэхдээ эхний тоглолтод харагдаж байсан арга эвээ нэг л олохгүй байгаа байдал эздийн тоглолтоос харагдаж байсан гэдгийг хэлэх хэрэгтэй. Тоглолтын эхний хагаст хоёр баг харилцан бие, бие рүүгээ довтолж байсан ч хэн, хэнийхээ хаалганд гоол оруулж чадаагүй билээ. Ювентус хэд, хэдэн сайхан боломж гаргаж байсан ч тэр бүр гоол болгож чадахгүй л байв. Тоглолтын сүүлийн хагаст бүх зүйл шийдэгдэх нь тодорхой болов. Яг л эхний хагас шиг харилцан довтолж байсан ч Ювентусчүүд үр дүн болгох тал дээр тун тааруу байсан билээ. Харин тоглолтын 64 дэх минутад Баейрн Мюнхений Марио Манцукич гоолдсоноор Ювентусыг улам хүнд байдалд оруулав. Энэ бөмбөгийн дараа эзэд тооны харьцааг тэнцүүлэх гэж хичээсэн ч нэг л болж өгсөнгүй улмаар шүүгчийн мэдлийн цагийн нэг дэх минутад Бастейн Швайнштайгерын дамжуулалтаар Клаудио Пизарро гоол оруулснаар Турины багийг нэг мөсөн “үгүй хийсэн” юм. Энэ жил Баейрн Мюнхен клуб тун сайн формтой байгаа. Үүнийгээ европын төвшинд ч, лигийн тэмцээний төвшинд ч хангалттай харуулж байгаа билээ. Харин шөвгийн дөрөвт хэрхэн тоглох вэ гэдэг нь тунчиг сонирхолтой. Гэхдээ тэдэнд хаяглаж болох нэгэн таатай мэдээлэл байгаа нь одоо тэд лигтээ биш, аваргуудын лигт бүрэн анхаарал хандуулж болно. Учир нь үлдсэн зургаан тоглолтын үр дүн ямар байхаас үл хамааран Германы лигийн мөнгөн царыг өргөх нь тодорхой болсон билээ. 

Аваргуудын лигийн шөвгийн дөрвөн багийн сугалаа монголын цагаар маргааш болно. Энэ удаад шөвгийн дөрвөн багийн хоёр нь герман, хоёр нь испанийн төлөөлөл байгаа билээ. Сугалаа яаж ч таарч болно. 

С.БОЛОР


 
Сэтгэгдэлүүд (3)
Зочин 1 жил 9 сарын өмнө
!S!WCRTESTTEXTAREA000001!E!
Зочин 2 жил 1 сарын өмнө
!S!WCRTESTTEXTAREA000001!E!
Зочин 3 жил 4 сарын өмнө
cz3dhd <a href="http://rwxunqbrlius.com/">rwxunqbrlius</a>, [url=http://mewghisrnkea.com/]mewghisrnkea[/url], [link=http://igcrrpifealr.com/]igcrrpifealr[/link], http://lghvcretgthl.com/
АНХААРУУЛГА: Та шууд тухайн бичлэгт тохирсон сэтгэгдэл үлдээнэ үү 800 тэмдэгт. Бусдыг бус өөрөө өөрийгөө гутаан доромжилж, элдвээр хэлэхийг зөвшөөрнө.